नेपाल स्टक एक्स्चेन्ज (नेप्से) परिसूचकमा मंगलबार सामान्य सुधार आएको छ । सोमबार ५ अंकले घटेको नेप्से परिसूचक मंगलबार सोही अनुपातमा बढेको हो ।मंगलबार कारोबार सुरु हुँदा करिब २० अंक बढेको नेप्से मध्यसमयमा सामान्य अंकले घटेको थियो । तर, कारोबार बन्द हुँदा नेप्से ४.९० अंकले बढेर २६३९.९१ पुगेको छ ।
मंगलबार ६ अर्ब ९९ करोड ४ लाख ८४ हजार रुपैयाँ बराबरको सेयर कारोबार भएको छ । सेयर कारोबार अघिल्लो कारोबार दिनको तुलनामा बढेको छ । सोमबार ६ अर्ब ४७ करोड २६ लाख ७ हजार रुपैयाँबराबरको सेयर किनबेच भएको थियो।
आज कारोबारमा १३ उपसमूहमध्ये ७ उपसमूहको सेयर मूल्य बढेको छ । बाँकी ६ उपसमूहको सेयर मूल्यभने घटेको छ।
